Claudio Bravok geldiketa bikainak egin zituen aurreko astean Murtziaren kontra. Ez zen aurreneko aldia izan ezta gutxiagorik ere. Dena den, atezain batek ohikoa ez duena egiteagatik ohiartzun handiago lortu du. Aldagela barruan sarritan hitz egin dugu aukera horretaz eta atzo guzti-guztiek hurbiltzeko esan zidaten. Atzo sareetara joan zelako baina giza-hesian jo izan balu eta kontraerasoan gola sartu? Arriskutsua da, ados. Baina, batzuetan arriskatu egin behar da eta ondorioak onartu. Kontuak kontu, GARRANTZITSUENA garaipena eskuratzea zen.
Numantzia eta Levante ez dira gerturatu eta Betis eta Rayorekiko tartea berriz, handitu egin da. 12 eta 16 puntura daude, hurrenez hurren. Gironan jokatu du heldu den igandean Realak arratsaldeko bostetan. Labakak bosgarren txartel horia ikusi zuenez, Lasartek beste norbaitengan pentsatuko du. Gonzalez osatze bidean da, gaur ere korrika aritu da erritmo onean baina bere parte hartzea ziurra ez denez Josu Esnaolak aukera izan lezake.
No hay comentarios:
Publicar un comentario