Txapeldunen Liga edo Europa izan, baina onenen artean jarraitzea gura du talde bizkaitarrak. Ez dute aukera pasatzen laga gura. "Zaleen artean dagoen ilusioa mantendu behar dugu". Horretarako, ezinbestekoa izango da Molinonen emaitza ona eskuratzea. Jakinekoa da Sportingen etxea Athleticen bigarren etxea dela. Baina denboraldi honetako Sporting mendean hartzea gaitzagoa dela uste du entrenatzaileak. "Ez da partida samurra izango. Sportingek asmatu egin du fitxatzerako orduan", esan du Caparrosek.
Gurpegi hamaikakora bueltatuko da
Caparrosek ez du iraultzarik egingo hamaikakoan. Zelai erdiari sendotasun gehiago emateko Gurpegi zelairatuko du eskuin hegalean. Beste aldaketa aurrean egon daiteke. Llorentek bermatuta dauka lekua taldean eta ikusi egin beharko da nork jokatzen duen bere ondoan. Aste guztian zehar kili-kolo egon den Toqueroren eta Susaetaren artean aukeratu beharko du Caparrosek. Deialdian, berriz, Iturraspe da berritasun nagusia. Euskarria Iñigo Perezen partez aukeratu dute.
Athletic Club: Iraizoz; Iraola, San José, Amorebieta, Castillo; Gurpegi, Javi Martinez, Orbaiz, Gabilondo; Toquero edo Susaeta eta Lloente.
Molinon
20:00etan
Epailea: Fernandez Borbalan
No hay comentarios:
Publicar un comentario